Мадрид, 5 декември 2024 (МИА) – Натпреварот од Ла Лига меѓу Валенсија и Реал Мадрид, кој беше одложен поради поплавите што ја зафатија југоисточна Шпанија, ќе се одигра на 2 јануари 2025 година, соопшти денеска шпанската фудбалска Федерација.
Натпреварот од 12 коло требаше да се игра на 2 ноември, но беше одложен бидејќи регионот на Валенсија го зафатија катастрофални поплави во кои загинаа 222 лица, а четворица сè уште се водат за исчезнати. Материјалната штета се проценува на десетици милиони евра.
Новиот датум за одложениот натпревар е единствениот можен во натрупаниот календар на Реал Мадрид, кој го очекува куп-натпревар на 4 или 5 јануари, пред завршниот турнир во шпанскиот Суперкуп, кој ќе се игра од 8 до 12. јануари во Саудиска Арабија. ег 
ФОТО: Икс