Берлин, 15 јуни 2025 (МИА) - Милан покажа интерес за 32-годишниот фудбалер од средниот ред на Баер, Гранит Џака, објави новинарот Флоријан Плетенберг.

Според Плетенберг, швајцарскиот фудбалер може да го напушти тимот на Леверкузен и да се пресели во Милан.

Гранит Џака му се придружи на Баер од Арсенал во летото 2023 година. Минатата сезона, тој играше на 49 натпревари во сите натпреварувања, постигнувајќи два гола и седум асистенции. Неговиот тековен договор со клубот е до летото 2028 година. 

Пазарната вредност на играчот, според Трансфермаркт, е 12 милиони евра.

Во сезоната 2023/24, Џака стана германски шампион со Баер. зс/

Фото: ЕПА