Токио, 5 јули 2021 (МИА) - Најмалку три лица загинаа, а повеќе од 100 се водат како исчезнати по поројните дождови што предизвикаа лизгање на земјиштето во јапонскиот град Атами за време на викендот, јавија денеска локалните медиуми. Покрај тројцата загинати, уште 113 лица се водат како исчезнати во крајбрежниот град Атами, околу 90 километри од Токио, откако обилните дождови предизвикаа поплави и свлечишта. Од лизгање на земјиштето се зафатени околу 130 згради во градот, што се наоѓа на стрмна падина каде има одморалиште со топли извори. ми/ https://www.youtube.com/watch?v=5vSVui54WR0