Неапол, 10 октомври 2023 (МИА) - Антонио Конте стана главен претендент за тренерската позиција во Наполи, која моментално ја зазема Руди Гарсија.

Според „Sky Sport Italia“, кандидатурата на Конте ја разгледува претседателот на клубот, Аурелио Де Лаурентис, а управата е подготвена да потроши сериозни пари за него.

Резервната опција за замена на Гарсија е поранешниот тренер на Марсеј, Игор Тудор.

Претходно беше објавено дека Севилја размислува за кандидатурата на Конте за улогата на главен тренер.

Последното место на работа на 54-годишниот фудбалски стручњак беше Тотенхем, кој го напушти во март 2023 година. Конте беше тренер и на италијанската репрезентација, Аталанта, Јувентус, Челзи, Интер и други клубови.

Во италијанските медиуми се појави информација дека Хулен Лопетеги е подготвен да го води Наполи доколку Гарсија си замине. Самиот Лопетеги ги понуди своите услуги на „наполитанците“, додека Де Лаурентис е склон да го назначи Конте.

Последната работа на Лопетеги беше Вулверхемптон, кој го напушти на почетокот на август.

Шпанецот ги предводеше и Севилја, Реал Мадрид, шпанската репрезентација и Порто. зс/

Фото: ЕПА