• четврток, 23 мај 2024

ИДФ: Нови ракетни напади од Појасот Газа врз израелските погранични области

ИДФ: Нови ракетни напади од Појасот Газа врз израелските погранични области

Тел Авив, 23 април 2024 (МИА) – Израелските безбедносни сили (ИДФ) соопштија дека денеска на 200-иот ден од војната биле пресретнати четири ракети истрелани од Појасот Газа.

Дел од пресретнатите ракети паднал врз еден магацин во пограничниот град Сдерот и се запалил. Освен материјална штета во нападот нема човечки жртви.

Според израелските податоци, повеќе од 16.000 ракети биле истрелани врз Израел од страна на палестинската милитантна организација Хамас и други групи од 7 октомври.

Претходно ИДФ соопштија дека борбени авиони извршиле воздушни напади врз „приближно 25 цели“ во енклавата при што се убиени „голем број терористи“.

Според Министерството за здравство на Хамас во Појасот Газа, од почетокот на војната помеѓу Израел и Хамас загинале 34.183 луѓе, а повеќе од 77.000 се повредени.

Повеќе од 1.200 луѓе беа убиени, а околу 250 луѓе беа земени како заложници за време на нападите врз Израел на 7 октомври од страна на Хамас и други исламистички групи. Израел одговори со воздушни напади и голема копнена офанзива. ми/

фото: МИА архива

Можно е и ова да ти се допаѓа

Остани поврзан