-За таа цел претставници на трите општини викендов во Струмица учествуваа на дводневната обука, која имаше за цел да се зајакнат капацитетите на членовите на Комисијата за еднакви можности, како и на координаторите и заменик-координаторите, како фактор за сензибилизирање на граѓаните за родовата еднаквост, како чинител на локалниот економски и општествен развој, истакнаа од Општина Делчево.

Како дел од изработката на новата стратегија, во наредниот период активностите на Комисиите за еднакви можности на општините Делчево, Берово и Пехчево ќе бидат насочени кон четири сфери на делување.

-Првата сфера од родовиот концет ги опфаќа човековите права и родовата еднаквост во областите политика, родово базирано насилство, економија, на второ место е партиципацијата во креирањето и имплементација на локални и јавни политики, трета е едукацијата на населението за родовата еднаквост и еднаквите можности на мажите и жените, а четвртата и последна сфера на делување ќе биде во насока на институционалниот развој и организациско јакнење на комисиите за еднакви можности во регионот, додадоа од Општината.

Активноста се реализира во рамки на проектот „Стој цврсто за родова еднаквост“ во организација на НВО „КХАМ“, а финансиски поддржан од фондацијата „Квина тил Квина“. вс/мд/