Австралискиот Парламент го поддржа референдумот за признавање на домородните народи
- Сенатот на Австралија денеска гласаше за одржување референдум за промена на уставот на земјата за признавање на домородните народи, Абориџините и жителите на островите на Торес Стрејт.
Сиднеј, 19 јуни 2023 (МИА) - Сенатот на Австралија денеска гласаше за одржување референдум за промена на Уставот на земјата за признавање на домородните народи, Абориџините и жителите на островите на Торес Стрејт, јави ДПА.
Референдумот ќе се одржи пред крајот на 2023. Според локалните медиуми, гласањето најверојатно ќе се одржи во октомври.
-Заедно можеме да направиме историја со признавањето и внесувањето во Уставот на Абориџините и жителите на островот Торес, напиша австралискиот премиер Ентони Албанезе на Твитер.
Министерката на домородните Австралијци Линда Барни денеска на прес-конференција изјави оти ова е еден чекор поблиску до давање глас на потребите и аспирациите на домородните Австралијци. мс/сд/
фото: МИА архива