Zelenski për operacionin në rajonin Kursk: E kthejmë luftën atje nga ka ardhur
- Presidenti ukrainas Volodimir Zelenski deklaroi sot se operacioni në rajonin rus të Kurskut është absolutisht i sinqertë dhe se Ukraina po e kthen luftën "aty nga erdhi".
![Zelenski për operacionin në rajonin Kursk: E kthejmë luftën atje nga ka ardhur](https://mia.mk/index.php/images/20240822181028_big_730x400_26.webp )
Kiev, 22 gusht 2024 (MIA) - Presidenti ukrainas Volodimir Zelenski deklaroi sot se operacioni në rajonin rus të Kurskut është absolutisht i sinqertë dhe se Ukraina po e kthen luftën "aty nga erdhi".
"Sapo u ktheva nga rajoni ynë Sumi, nga kufiri, nga ato zona që kufizojnë armikun dhe ku njësitë tona janë jashtëzakonisht efektive për t'iu përgjigjur pushtimit të Rusisë. Duke e dërguar luftën atje ku e solli Rusia në vendin tonë, ne po e dërgojmë në shtëpi, dhe është absolutisht e drejtë, por përveç drejtësisë, është edhe shumë efektive", tha Zelenski në forumin e 7-të vjetor të veteranëve " Ukrainë. Veteranët .Uniteti”, transmeton Ukrinform.
Presidenti ukrainas theksoi se për t'i dhënë fund luftës është e nevojshme të krijohen sa më shumë probleme për shtetin rus në territorin e tij.
"Të gjithë duhet të kuptojmë se, për të dëbuar pushtuesin nga vendi ynë, duhet t'i krijojmë sa më shumë probleme shtetit rus në territorin e tij. Kjo është një vepër heroike e ushtarëve tanë. Dhe kjo vepër heroike është gjithnjë e më e saktë, gjithnjë e më e gjerë dhe gjithnjë e më efektive, theksoi Zelenski.
Ai arriti në përfundimin se të gjitha operacionet e kryera sot nga Forcat mbrojtëse të Ukrainës janë një mënyrë sistematike për të mbrojtur Ukrainën, me synimin për t'i dhënë fund luftës "në kushtet e një Ukraine të pavarur".
"Operacionet tona të mbrojtjes në rajonin e Donjeckut, rajonin e Harkovit, në jug të Ukrainës, çlirimi ynë nga flota ruse e Detit të Zi, operacioni ynë në rajonin e Kurskut janë sulme të përditshme ndaj objekteve ushtarake ruse. E gjithë kjo është mënyra jonë sistematike për të mbrojtur Ukrainën, një mënyrë për t'i dhënë fund kësaj lufte në kushtet e një Ukrainë të pavarur. Jam i sigurt se do ta kalojmë këtë kohë, sado e vështirë të jetë", tha lideri ukrainas. mb/
Foto: EPA