Shkup, 8 shkurt 2025 (MIA) – Me qëllim të qasjes më të lehtë dhe transparencës në punën e Komisionit për kompensim në të holla të viktimave nga veprat penale me dhunë, me ndihmën dhe mbështetjen e Misionit të OSBE-së në Shkup është përgatitur ueb faqe, e cila do të shërbejë si bazë për promovimin e të drejtës së kompensimit mes viktimave, institucioneve dhe publikut. 

Siç bëri të ditur Ministria e Drejtësisë, ueb-faqja e Komisionit për kompensim në të holla të viktimave nga veprat penale me dhunë është në dispozicion në këtë link: www.komisijazanadomestoknazrtvi.mk.
 
Komisioni për kompensimin në të holla për viktimat e krimeve të dhunshme është person juridik i pavarur i sapoformuar, i cili vendos për të drejtën e kompensimit financiar dhe për përcaktimin e llojit dhe masës së kompensimit financiar për viktimat e krimeve të dhunshme. Është themeluar në përputhje me Ligjin për pagesën e kompensimit në të holla për viktimat e krimeve të dhunshme, qëllimi i të cilit është që viktimave t'u ofrohet kompensim financiar, si ndihmë nga shteti, në përputhje me parimin e solidaritetit social dhe parandalimi i viktimizimit dytësor si vuajtje shtesë që viktimat mund ta pësojnë nga qëndrimi i organeve kompetente.

Gjatë periudhës së kaluar, Komisioni arriti progres të madh, duke e përfshirë legjitimitetin juridik për veprim si organ i pavarur duke e miratuar Rregulloren e punës dhe procedurës për parashtrimin e kërkesave për kompensim në të holla, që përfaqëson hap të rëndësishëm drejt lehtësimit të qasjes në drejtësi të viktimave nga vepra penale me dhunë, bëhet e ditur në kumtesë. fc/

Fotografia: Ministria e Drejtësisë