Shkup, 9 janar 2025 (MIA) -  Në Klinikën  e Fëmijëve sot u promovua pajisja e re -  inkubatorë, bebitermë dhe perfuzorë, të destinuara për Repartin e Neonatologjisë. Pajisja është siguruar me mjete financiare nga kompania "Pekabesko" nga Shkupi.

Drejtori i "Pekabesko"-s, Sllobodan Kutrevski, informoi se me rastin e përvjetorit të vitit të kaluar, kompania ka marrë vendim që të ndajë 20 mijë euro për pajisje për fëmijë për blerjen e pajisjeve në atë shumë. 

"'Pekabesko'  më 25 shtator të vitit të kaluar festoi 45 vjetorin e krijimit. Dhe si rezultat i atij përvjetori, ne vendosëm ta festonim atë në një mënyrë ndryshe nga ajo tradicionale dhe vendosëm të investonim një shumë të caktuar në krijesat tona më të dashura - fëmijët, gjegjësisht nipërit tanë. Vendosëm t'i japim 20 mijë euro Ministrisë së Shëndetësisë, Klinikës së Fëmijëve. Nuk thamë çfarë, ua lamë ekspertëve në Klinikën e Fëmijëve të thonë se çfarë u duhet në atë shumë dhe ne ta paguajmë. E kemi paguar para Vitit të Ri dhe ka ardhur sot. Dhe kemi dhënë 10 mijë euro për ndërtimin e këndit të lojërave për fëmijë në lagjen Ilinden", tha Kutrevski.

Taravari theksoi se ndoshta kjo do të jetë një mundësi që kompanitë e tjera përgjegjëse shoqërore të ndihmojnë në shkollat ​​dhe spitalet tona, ku ka më shumë nevojë. Ai bëri të ditur se në Klinikën për Sëmundje të Fëmijëve është instaluar aparati i ri video EEG, me mjete nga Klinika, në një vlerë prej dy milionë denarë për ambulancën e neurologjisë subspecialiste.

"Është instaluar një aparat i ri EEG që është i digjitalizuar me një lloj të ri softueri, të cilin do ta promovojmë edhe sot, në të cilin po shkojmë në rrugën e digjitalizimit. Pacientët do t'i marrin rezultatet jo në letër, por direkt me email. Megjithatë gjithashtu shpresoj edhe në sistemin Temini Im", tha ai.

 Foto: MIA/ Ministria e Shëndetësisë