Холандската Влада: Ќе бидат усмртени уште 300.000 пилиња заразени со птичји грип
- На почетокот од септември, во Холандија беа забележани околу 30 жаришта на птичјиот грип
![Холандската Влада: Ќе бидат усмртени уште 300.000 пилиња заразени со птичји грип](https://mia.mk/index.php/images/20221114010858_big_730x400_8.webp )
Амстердам, 20 октомври 2022 (МИА) - Холандската Влада денеска соопшти дека ќе бидат усмртени уште 300.000 пилиња заразени со птичји грип на фарма во јужниот дел од земјата.
На почетокот од септември, во Холандија беа забележани околу 30 жаришта на птичјиот грип. Кога започна годинава, ги имаше десетина.
Од крајот на октомври, кога е откриена нова варијанта на птијчи грип, во државата се усмртени речиси шест милиони пилиња.
Изминатите недели жаришта на птичји грип се појавија и во Франција, откако претходно годинава, таа беше погодена од најголемата епидемија на болеста некогаш забележана. бд/