Фолксваген го презема европскиот пазар за електромобили
- Европскиот пазар на автомобили забележа пад на продажбата од 7 отсто минатиот месец, но во истиот период, продажбата на електромобили (хибриди и целосно електрични возила) скокна за 153 насто
![Фолксваген го презема европскиот пазар за електромобили](https://mia.mk/index.php/images/20221105115817_big_730x400_20.webp )
Волфсбург, 27 ноември 2020 (МИА) - Најпродаваното електрично возило во Европа во октомври 2020 година е „Фолксваген ИД.3“, со испорачани 10.475 примероци. Компанијата Фолксваген, инаку, со десетлетија го имаше најпродаваниот конвенционален автомобил во Европа - моделот „Голф“, а сега, се чини, го презема водството и во областа на електромобилите.
Европскиот пазар на автомобили забележа пад на продажбата од 7 отсто минатиот месец, но во истовреме, продажбата на електромобили (хибриди и целосно електрични возила) скокна за 153 насто во споредба со истиот месец лани. На овој начин, електрифицираните возила веќе ги надминуваат дизел-возилата во продажбата.
![](/articles/images/folksvagen-go-prezema-evropskiot-pazar-za-elektromobili/0DQxGxZYa/placeholder.webp?use_watermark=0)
![](/articles/images/folksvagen-go-prezema-evropskiot-pazar-za-elektromobili/q9spBbDqG/placeholder.webp?use_watermark=0)