Брисел, 26 јули 2024 (МИА) - Советот на ЕУ денеска донесе одлука за продолжување на мандатот на Мирослав Лајчак, специјалниот пратеник на ЕУ за дијалог меѓу Белград и Приштина и други регионални прашања на Западен Балкан, до 31 јануари 2025 година.

Советот на ЕУ усвои серија одлуки за продолжување на постојните мандати на тројца специјални претставници на ЕУ, меѓу кои и Лајчак, како и назначување на четворица нови специјални претставници на ЕУ, меѓу кои има и претставници на ЕУ во Приштина и Босна и Херцеговина.

Така, нов специјален претставник на ЕУ во Приштина ќе биде естонскиот дипломат Аиво Орав, кој ќе ја преземе функцијата на 1 септември 2024 година за почетен период од две години.

Советот на ЕУ донесе и одлука да го назначи Луиџи Сорека за специјален претставник на ЕУ за Босна и Херцеговина, кој ќе го наследи актуелниот амбасадор на ЕУ во Сараево, Јохан Сатлер, чиј петгодишен мандат истекува на 31 август 2024 година.

Сорека ќе ја преземе функцијата на 1 септември 2024 година за почетен период од две години. рп/

Фото: МИА архива