Русија поведе кривични постапки против новинари поради известување од регионот Курск
- Руската безбедносна служба ФСБ денеска соопшти дека иницирала кривични случаи против новинари поради нелегално преминување на границата
![Русија поведе кривични постапки против новинари поради известување од регионот Курск](https://mia.mk/index.php/images/20240822131608_big_730x400_85.webp )
Москва, 22 август 2024 (МИА) - Руската безбедносна служба ФСБ денеска соопшти дека иницирала кривични случаи против новинари поради нелегално преминување на границата.
ФСБ наведува дека новинарите се товарат поради нелегално преминување на границата и влез во руската област Курск, што е под контрола на Украина.
Постапка е поведена против новинари од Си-ен-ен, од РАИ и двајца украински новинари и наскоро против нив ќе биде распишана меѓународна потерница.
За нелегално преминување на границата, во согласност со руските закони, предвидена е казна затвор до пет години. ми/
фото: МИА архива