Пожар на танкер кај Шри Ланка, во океанот може да се излеат 270.000 тони нафта
- Околу 270.000 тони нафта може да истече во океанот откако избувна пожар на цистерна со нафта регистрирана во Панама, во близина на југоисточниот брег на Шри Ланка, изјави воениот командант на
![Пожар на танкер кај Шри Ланка, во океанот може да се излеат 270.000 тони нафта](https://mia.mk/index.php/images/20221104190840_big_730x400_26.webp )
Коломбо, 3 септември 2020 (МИА) - Околу 270.000 тони нафта може да истече во океанот откако избувна пожар на цистерна со нафта регистрирана во Панама, во близина на југоисточниот брег на Шри Ланка, изјави воениот командант на Шри Ланка.
- Пожарот бил предизвикан од експлозија во моторната просторија на танкерот денеска наутро по локално време, а сè уште не е ставен под контрола, изјави портпаролот на морнарицата.
Тој додаде дека „МВ Дијамант“ пловел на релација од Кувајт до Индија кога се случила експлозијата и избувнал пожарот.
На бродот имало 23 члена на екипажот, од кои 22 се спасени, а најмалку двајца повредени.
- Се претпоставува дека исчезнатиот член на екипажот починал во просторијата каде избувнал пожарот, изјави портпаролот.
Шри Ланка испрати три поморски бродови и хеликоптер да помогнат. паг/