ОН: Нападот на израелски доселеници врз палестинско село е „ужасен“
- „Ова беше нешто ужасно“, изјави Равина Шамдасани, портпаролка на Канцеларијата на Високиот комесар на ОН за човекови права, на прес-конференција во Женева.
![ОН: Нападот на израелски доселеници врз палестинско село е „ужасен“](https://mia.mk/index.php/images/20240816175755_big_730x400_11.webp )
Женева, 16 август 2024 (МИА) - Обединетите нации денеска го осудија вчерашниот напад на еврејски доселеници врз палестинско село на окупираниот Западен брег, нарекувајќи го „ужасен“. Светската организација истакна дека ваквите напади обично остануваат неказнети.
„Ова беше нешто ужасно“, изјави Равина Шамдасани, портпаролка на Канцеларијата на Високиот комесар на ОН за човекови права, на прес-конференција во Женева.
Таа додаде дека вчерашното убиство во Џит не е изолиран случај, туку директна последица на доселеничката политика на Израел на Западниот брег. ссм/
фото: архива