Во изминатите 24 часа во Газа загинаа 25 лица, вкупно 40.099 жртви
- Министерството за здравство во Појасот Газа денеска соопшти дека во изминатите 24 часа загинале најмалку 25 лица, а вкупниот број на жртви на палестинска територија од почетокот на војната меѓу Израел и Хамас достигна 40.099.
![Во изминатите 24 часа во Газа загинаа 25 лица, вкупно 40.099 жртви](https://mia.mk/index.php/images/20240818131017_big_730x400_32.webp )
Деир Ал-Балах, 18 август 2024 (МИА) - Министерството за здравство во Појасот Газа денеска соопшти дека во изминатите 24 часа загинале најмалку 25 лица, а вкупниот број на жртви на палестинска територија од почетокот на војната меѓу Израел и Хамас достигна 40.099.
Mеѓу жртвите се и една жена и нејзините шест деца.
-Рано утринава израелско бомбардирање погоди куќа во централниот град Деир ал Балах, соопшти болницата Ал Акса.
Во северниот град Џабалија беа погодени два стана во станбена зграда, а двајца мажи, една жена и нејзината ќерка загинаа, соопшти локалното Министерство за здравство.
Во друг напад во центарот на Газа, четири лица загинаа, соопшти болницата Авда.
Доцна синоќа четири лица од исто семејство, меѓу кои две жени, се убиени во напад во близина на јужниот град Кан Јунис, соопшти болницата Насер.
Израел тврди дека цели само на екстремистите и го обвинува Хамас за смртни случаи на цивили, бидејќи „екстремистичката организација крие борци, оружје, влезови од тунели и ракети во станбени области“.
Во војната која трае повеќе од десет месеци, во Газа се ранети 92.609 лица. мс/
фото: ЕПА