Софија, 11 март 2025 – Мултинационалната борбена група функционира повеќе од две години и можам да кажам дека секогаш кога доаѓам гледам подобра координација и одлична интеракција. Ова го изјави претседателот и врховен командант на бугарската армија Румен Радев пред новинарите на полигонот Ново Село.

Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.

Двајцата заедно со црногорскиот претседател Јаков Милатовиќ го посетија полигонот и се сретнаа со бугарскиот и црногорскиот контингент.

Претседателот рече и дека сите земји кои испратиле контингенти овде работат во исклучително добра координација со заеднички задачи и заедничка цел, а тоа е да се постигне повисоко ниво на подготовка и интероперабилност.

Радев посочи дека е исклучително задоволен од бугарскиот контингент и од бугарскиот воен персонал, кои имаат се позначајна улога во севкупната организација на оваа обука.

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА.