Мобилизирани сите служби во Кавадарци за чистење по синоќешното невреме
- Мобилизирани беа сите служби во Кавадарци за чистење по синоќешното невреме, информираше денеска кавадаречкиот градоначалник Митко Јанчев на Фејсбук.
![Мобилизирани сите служби во Кавадарци за чистење по синоќешното невреме](https://mia.mk/index.php/images/20240821101400_big_730x400_94.webp )
Kавадарци, 21 август 2024 (МИА) - Мобилизирани беа сите служби во Кавадарци за чистење по синоќешното невреме, информираше денеска кавадаречкиот градоначалник Митко Јанчев на Фејсбук.
-По обилното невреме кое во текот на вчерашниот ден го зафати нашиот град и за кратко време беа наврнати големи количества на дожд, град и силен ветер, сите служби беа мобилизирани и на терен во интерес и функција на граѓаните. ЈП Комуналец, Мој општинар, ТППЕ Кавадарци работеа на расчистување на улиците од дрвја, се чистеа сливници и големи наноси од кал и песок по градските улици, напиша Јанчев.
Земјоделци се жалат дека има штети и кај земјoделските култури, но тие допрва ќе се утврдуваат. свд/сст/
Фото : Фејсбук на градоначалникот Митко Јанчев