Избрани песни од поезијата на Славе Ѓорѓо Димоски преведени на англиски јазик
- Книгата содржи сто песни објавени паралелно на македонски и на англиски јазик, а изборот и препевот го направи Даниела Спироска.
![Избрани песни од поезијата на Славе Ѓорѓо Димоски преведени на англиски јазик](https://mia.mk/index.php/images/20240821175520_big_730x400_74.webp )
Охрид, 21 август 2024 (МИА) – Во издание на Општина Охрид деновиве од печат излезе книгата „Избрани песни/Selected poems“ на англиски јазик од Славе Ѓорѓо Димоски.
Книгата содржи сто песни објавени паралелно на македонски и на англиски јазик, а изборот и препевот го направи Даниела Спироска.
Изборот е придружен со обемен есеј на Венко Андоновски во се посочува дека „За една поезија обично се вели дека е голема, и со тоа, по творештвото на Блаже Конески се согласни речиси сите,ако е едноставна. Се чини дека „инфантилизацијата” на јазикот, силно изразена кај Димоски, е едно од можните решенија за едноставна песна. Поетот говори големи нешта со лесни, едноставни зборови. Зборови на примордијалната, првобитна, детска свежина на перципирање на светот“.
Оваа е четврта книга од поезијата на Славе Ѓорѓо Димоски преведена на англиски јазик. аб/ев/
фото/плакат