Македонските фудбалери ја пречекуваат Грузија во натпревар од Лигата на наци
- Во дуел од 3. коло Ц-сегмент четврта група, вечер на „Тодор Проески“ во Скопје, македонската фудбалска репрезентација ќе ја пречека Грузија.
![Македонските фудбалери ја пречекуваат Грузија во натпревар од Лигата на наци](https://mia.mk/index.php/images/20221113153321_big_730x400_96.webp )
Скопје, 9 јуни 2022 (МИА) – Во дуел од 3. коло Ц-сегмент четврта група, вечер на „Тодор Проески“ во Скопје, македонската фудбалска репрезентација ќе ја пречека Грузија.
Во првите две кола избраниците на селекторот Благоја Милевски одиграа нерешно со Бугарија и забележаа победа над Гибралтар. Со евентуален триумф против Грузијците, „црвено-жолтите“ ќе избијат на првото место во групата.
Од друга страна, Грузијците најавија „одмазда“ за поразот на нивни терен во минатиот циклус, во натпревар кој одлучуваше кој ќе оди на Европското првенство 2020.
Билети за натпреварот може да се купат преку „Mk Tickets“ и на Билетарата на источната трибина на стадионот во Скопје. зс/