Крајбрежните точки на морето кај Каварна, Шабла и Дуранкулак редовно ќе се испитуваат по уништувањето на браната „Нова Каховка“
- Стручни лица од Дирекцијата за басен „Црноморски регион“ и Регионалната лабораторија на Извршната агенција за животна средина денеска зедоа мостри од морската вода кај Дурнакулак, Шабла и Каварна (плажа Болата)
![Крајбрежните точки на морето кај Каварна, Шабла и Дуранкулак редовно ќе се испитуваат по уништувањето на браната „Нова Каховка“](https://mia.mk/index.php/images/20230619171230_big_730x400_78.webp )
Софија, 19 јуни 2023 – Стручни лица од Дирекцијата за басен „Црноморски регион“ и Регионалната лабораторија на Извршната агенција за животна средина денеска зедоа мостри од морската вода кај Дурнакулак, Шабла и Каварна (плажа Болата).
Ова е веста на денот од Република Бугарија, избрана на Бугарската телеграфска агенција (БТА) за објавување од МИА, согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат директно избрана од другата агенција вест на денот на соодветната земја, а другата агенција да ја објави на својот интернет сајт без промени со изрично посочување и цитирање на партнерот како извор.
Земањето мостри се врши првпат по несреќата со браната „Нова Каховка“. Од јуни минатата година до сега, истражените показатели – тешки метали, нафтени деривати и два радионуклиди не покажуваат вишок на вредностите, изјави директорот на Дирекцијата за басен „Црноморски регион“ Јавор Димитров. Тој заедно со своите колеги бил на едно од местата за земање мостри – плажата Болата кај Каварна.
Димитров додаде и дека се додадени нови показатели на оние за кои периодично се истражува, како што се пестицидите и другите супстанции. Во присуство на такви и во зависност од нивните вредности, ќе може да се каже дали има контаминација.
Прелиминарни резултати се очекуваат најрано за една недела. Избраните крајбрежни точки ќе се испитуваат неделно, рече и директорот на Дирекцијата за басен на „Црноморскиот регион“.
Трите дополнителни локации за истражување беа идентификувани од страна на Министерството за животна средина и води.
Министерката за туризам Зарица Динкова пред неколку дена посочи дека намерно се шири паника за загадувањето на морето.
_________________________________________________________________________
Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА