Неапол, 24 октомври 2024 (МИА) - Тренерот на Наполи, Антонио Конте ја прокоментира темата за преговорите меѓу тимот и грузискиот интернационалец Хвича Кварацхелија за обновување на договорот на играчот, но не откри детали. 

Конте објасни дека разговорите се во тек веќе некое време, но клубот има други приоритети, инсистирајќи дека фактите и бројките за операцијата мора да ги открие спортскиот директор.

Стручњакот не криеше дека се надева дека Кварацхелија ќе потпише нов договор со Наполи, но објасни дека побарал од сите негови играчи да покажат целосна посветеност до крајот на сезоната, без оглед на ситуацијата околу нивните договори.

Антонио Конте верува дека Грузиецот направил се што е побарано од него досега, но призна дека се може да се случи во фудбалот.

-За ова прашање се разговара некое време. Дефинитивно има разговори меѓу двете страни. Навлегувањето во детали е работа на клубот и спортскиот директор, па на крајот тие ќе зборуваат за бројки. Нема конкретно да навлегувам. Сè што можам да кажам е дека Хвича прави се што сакам да направи. Тој е фокусиран на сезоната и води со пример. Оваа сезона е навистина важна за нас. Се надевам дека работите ќе се средат и ќе се договориме, но знам и дека се може да се случи во фудбалот и дека мора да има договор кој ќе ги радува сите, изјави првиот човек на Наполи. дс

Фото: Архива