Канада и САД се соочуваат со прекин во товарниот железнички сообраќај поради нерешени договори со синдикатите
- Двете главни канадски товарни железници целосно го запреа својот работен процес поради спор околу договорите со нивните работници.
![Канада и САД се соочуваат со прекин во товарниот железнички сообраќај поради нерешени договори со синдикатите](https://mia.mk/index.php/images/20240822120730_big_730x400_99.webp )
Отава, 22 август 2024 (МИА) - Двете главни канадски товарни железници целосно го запреа својот работен процес поради спор околу договорите со нивните работници.
Ова би можело да предизвика значителна економска штета за компаниите и потрошувачите во Канада и САД, доколку возовите наскоро не продолжат со работа.
Канадската национална железница (CN) и CPKC железницата го прекинаа својот работен процес откако помина рокот за постигнување нови договори со Конференцијата на канадските железници, синдикална организација која претставува околу 10.000 инженери, кондуктори и диспечери.
Целокупниот железнички сообраќај во Канада и сите пратки кои ја преминуваат границата со САД се запрени, иако возовите на CPKC и CN ќе продолжат со работа во САД и Мексико.
Според американското Министерство за транспорт, стоки во вредност од милијарди долари месечно се транспортираат меѓу Канада и САД преку железница.ссм/