Кавадарци, 29 јуни 2022 (МИА) - Под мотото „Подари хуманост, донирај храна", кавадарчани денеска донираа прехранбени производи во Банка за храна. Хуманитарниот настан беше организиран од страна на Банка за храна МК-Кавадарци, со покровителство на Банка за храна Македонија од Скопје, финансиран и поддржан од „Сивика Мобилитас", појаснија од банката. - Настанот беше всушност мобилизација на Кавадарци против гладот и сиромаштијата и заеднички стремеж со општината Кавадарци, кон една цел, „нула глад" во нашата општина, изјавија од Банка за храна МК-Кавадарци. Администратор на Банка за храна Кавадарци, што постои три ипол години, е регионалното еколошко друштво „Еко-живот". Од Банка за храна потсетија дека редовно преку општествено одговорни компании, собираат прехранбени производи, кои потоа ги распределуваат кај лица и семејства во социјален ризик. свд/цр