Екипи на Македонија пат на терен по појавата на одрони на магистралата А3
- Екипи на Македонија пат утрово се на терен по појавата на одрони на повеќе места на магистралата А3 која е дел од патот Делчево - М.Каменица - Кочани.
![Екипи на Македонија пат на терен по појавата на одрони на магистралата А3](https://mia.mk/index.php/images/20240820102648_big_730x400_28.webp )
Делчево, 20 август 2024 (МИА) - Екипи на Македонија пат утрово се на терен по појавата на одрони на повеќе места на магистралата А3 која е дел од патот Делчево - М.Каменица - Кочани.
Од подружницата на Македонија пат апелираат на внимателно возење по сообраќајниците, напоменувајќи дека поради обилните дождови кои паднаа утрово сообраќајот се одвива по влажни коловози.
-Препорачуваме внимателно возење и почитување на сообраќајната сигнализација на патниот правец Делчево - Македонска Каменица - Кочани. Наши екипи остануваат на терен се до целосно расчистување на одроните, порачаа од Македонија пат.
Посебно се препорачува внимателно возење на делницата Делчево - Илиово - Битка, како и долж целиот патен правец од М.Каменица кон Кочани. вс/
Фото: МИА