Градоначалникот и волонтери од Црвен крст делеа промотивни материјали за туристичката понуда на Гевгелија
- Градоначалникот на Гевгелија, Андон Сарамандов, заедно со волонтери на Црвен крст денеска на Граничниот премин Богородица делеа промотивен материјал за туристичката понуда на Општината.
![Градоначалникот и волонтери од Црвен крст делеа промотивни материјали за туристичката понуда на Гевгелија](https://mia.mk/index.php/images/20240821103815_big_730x400_71.webp )
Гевгелија, 21 август 2024 (МИА) - Градоначалникот на Гевгелија, Андон Сарамандов, заедно со волонтери на Црвен крст денеска на Граничниот премин Богородица делеа промотивен материјал за туристичката понуда на Општината.
Како што е објавено на општинската веб страница, на транзитните туристи преку директна комуникација им биле поделени флаери и промо-материјали изработени во рамки на платформата за туризам „Gevgelija-spice up the journey“, запознавајќи ги со туристичките потенцијали.
Инаку, акцијата се спроведува во соработка со Општинската организација на Црвен крст- Гевгелија со цел странските, но и домашните туристи да се запознаат со туристичкиот капацитет на Општината и подолго да се задржат во Гевгелија.рт/са/
Фото: Општина Гевгелија