Белград, 12 јануари 2025 (МИА) – Српскиот претседател Александар Вучиќ денеска изјави дека на собирот пред Уставниот суд во Белград имало повеќе од 12.000 луѓе, додавајќи дека тие треба да се почитуваат.

- На протестот присуствуваа повеќе од 12.000 луѓе. Највисоката проценка е 13.700. Тоа е респектабилна бројка на луѓе, тие накратко кажаа некои свои ставови и тоа е тоа, рече Вучиќ за време на гостувањето на телевизијата Пинк, пренесе Бета.

Студентскиот протест „Важно е да имаш (у)став“ на кој присуствуваа неколку илјади студенти и граѓани заврши кусо по 17 часот, а студентите посочија кои членови од Уставот сметаат дека власта ги прекршила изминатите месеци. јт/

Фото: ЕПА