Во Франција се шири птичјиот грип, заразени 151 живинарска фарма
- Во Франција од птичји грип се заразени 151 живинарска фарма, соопштија тамошните власти, додавајќи дека најпогоден е југозападниот дел на земјата.
![Во Франција се шири птичјиот грип, заразени 151 живинарска фарма](https://mia.mk/index.php/images/20221112025328_big_730x400_86.webp )
Париз, 13 јануари 2022 (МИА) - Во Франција се шири птичји грип од кој се заразени 151 живинарска фарма, соопштија тамошните власти, додавајќи дека најпогоден е југозападниот дел на земјата.
За само 24 часа заразени се 21 фарма, соопшти француското Министерство за земјоделство.
„Вирусот е активен и циркулира. Југозападниот дел на земјата е најтешко погоден поради концентрацијата на живинарството“, се вели во соопштението и се додава дека се откриени 21 случај на зараза кај дивите птици.
Франција има околу 20.000 живинарски фарми за месо, јајца или за производство на паштета од црн дроб од патка или гуска, што е специјалитет во земјата.
Птичјиот грип првпат беше идентификуван оваа зима на 26 ноември на северот на Франција, а оттогаш се прошири и на другите фарми на север и стигна до југозапад, каде што сега се концентрирани повеќето случаи на зараза. паг/