Атанасовски: Новите капитални инвестиции во САСА се значајни за локалниот економски развој
- Рудникот Саса продолжува со реализацијата на новата капитална инвестициска програма во вредност од над 20 милиони долари. По денешната посета на рудникот, градоначалникот на М.Каменица, Димчо
![Атанасовски: Новите капитални инвестиции во САСА се значајни за локалниот економски развој](https://mia.mk/index.php/images/20221112140840_big_730x400_42.webp )
Македонска Каменица, 4 март 2022 (МИА) - Рудникот Саса продолжува со реализацијата на новата капитална инвестициска програма во вредност од над 20 милиони долари. По денешната посета на рудникот, градоначалникот на М.Каменица, Димчо Атанасовски истакна дека е задоволен од реализацијата на новите капитални инвестициски проекти, кои според него треба да овозможат натамошен одржлив развој на рудникот.
-И во оваа прилика сакам да нагласам дека САСА, како најголем стопански капацитет во нашата општина и пошироко, има големо значење за локалниот економски развој и обезбедува социјална сигурност за голем број семејства, што е особено важно во сегашните турбулентни времиња. Токму затоа јас се залагам ваквите одговорни компании да ја добијат целокупната поддршка која е неопходна за реализација на нивните развојни планови, кои носат долгорочни придобивки за сите, како на локално, така и на национално ниво, изјави Атанасовски.
![рудник саса инвестиции](/articles/images/%d0%b0%d1%82%d0%b0%d0%bd%d0%b0%d1%81%d0%be%d0%b2%d1%81%d0%ba%d0%b8-%d0/ogy2UWodH/placeholder.webp?use_watermark=0)
Во рамки на посетата, на Атанасовски му беа презентирани досегашните вложувања во САСА во сите области на работата на рудникот, кои во изминатите четири години од влезот на инвеститорите - компанијата Централ Азија Металс од Лондон, надминаа 30 милиони долари.
Најголем дел од овие средства се вложени во набавка на нова современа рударска опрема и технологија за производство, во дигитализација на одредени работни процеси, во системот на безбедност и заштита при работа, како и во натамошно унапредување на стандардите и условите за работа и на професионалниот развој и благосостојбата на вработените.
![саса рудник.jpg 1](/articles/images/%d0%b0%d1%82%d0%b0%d0%bd%d0%b0%d1%81%d0%be%d0%b2%d1%81%d0%ba%d0%b8-%d0/rWuLecKUE/placeholder.webp?use_watermark=0)
Во рамки на посетата, Атанасовски се запозна и со ефектите од големиот број општествено одговорни активности и проекти наменети за поддршка на заедницата, кои САСА ги спроведува во континуитет, а во чија реализација само во текот на мината година се вложени над 400 илјади долари.
-Преку ваквите посети и директната комуникација, имаме можност да ги претставиме пред институциите нашите развојни проекти, како и проектите за поддршка на заедницата, со што се отвора патот за нивна побрза и поефикасна реализација, што е добро за сите, како за компанијата и за нејзините вработени, така и за локалната заедница и за земјата во целина, затоа што успехот на САСА, рече Јеланд, напоменувајки дека симбиозата меѓу рудникот и локалната заедница и силните односи кои Рудникот ги има во Македонска Каменица и на национално ниво е од суштинско значење, за развој на заедницата.вс/бт/