Gostivar, 2 janar 2026 (MIA) - Kandidati për kryetar të Komunës së Gostivarit në zgjedhjet e përsëritura, Valbon Limani sot prezantoi  në një konferencë për shtyp pesë masa që do të fillojë t'i zbatojë pas marrjes së detyrës. Masat janë në formën e mbështetjes financiare për familjet, të rinjtë, gratë dhe anëtarët e moshuar të familjes.

 "Kemi treguar se dimë të zbatojmë vendimet. Vitin e kaluar, ndamë nga 100 euro për secilën familje me një fëmijë të porsalindur dhe do ta vazhdojmë këtë masë edhe këtë vit", tha Limani.

 Kandidati në këto zgjedhje, i cili mbështetet nga Aleanca Kombëtare për Integrim, theksoi se të rinjtë do të jenë prioriteti kryesor në programin e tij dhe tha se këtë vit 30 startape rinore do të marrin mbështetje prej 60 mijë denarë. Në këtë mënyrë, siç tha, investimi në të rinjtë tanë është investim në të ardhmen e Gostivarit.

Gratë që fillojnë një ide biznesi dhe fillojnë të drejtojnë një biznes do të marrin mbështetje shtesë nga komuna. 

"Zhvillimi nuk mund të jetë i plotë pa fuqizimin e grave. Çdo vit, tridhjetë gra dhe vajza do të mbështeten financiarisht për iniciativat e tyre të biznesit", tha Limani. 

Ai prezantoi edhe projektin për gjyshërit në pension të cilët do të kujdesen për nipërit e mbesat e tyre dhe për angazhimin e tyre do të marrin një pagesë të njëhershme prej 30 mijë denarë. 

Në drejtim të sigurisë më të madhe në shkolla do të vendoset aktivitet i ri. 

 "Në çdo shkollë, do të zbatojmë programin "Ambasadorët e Sigurisë dhe Respektit". Në këtë mënyrë, nxënësit do të mbrojnë njëri-tjetrin dhe do të ndërtojnë shkolla pa ngacmime", tha kandidati për kryetar komune Valbon Limani.

Limani theksoi se këto masa nuk janë premtime, por një plan konkret veprimi për një Gostivar më të drejtë dhe më të zhvilluar. 

 Foto: MIA