Hajdelberg, 12 dhjetor (MIA) - Ende ekziston nevojë e madhe nga sqarimi në përpjekje ndërkombëtare për dhënie fund luftës ruse dhe sigurimi i kufijve të sigurisë për Ukrainën, deklaroi sot kanelari gjerman Fridrih Merc.  

"Diskutimet janë shumë intensive këto ditë. Po përpiqemi ta përfshijmë qeverinë amerikane në bisedimet që po zhvillojmë midis nesh, si dhe me qeverinë ukrainase dhe presidentin ukrainas", tha Merc në qytetin jugperëndimor gjerman Hajdelberg.

Siç raportohet nga DPA, Merc theksoi se garancitë e sigurisë, të cilat janë diskutuar për disa javë, përqendrohen kryesisht në forcimin e përhershëm të ushtrisë ukrainase për t'i mundësuar vendit të mbrohet në mënyrë të pavarur.

"Jemi të gatshëm të japim kontributin tonë për këtë. Do të nevojitet edhe një kontribut nga SHBA-ja", tha Merc.

Ai shtoi se mbetet e hapur pyetja se si dhe në çfarë detajesh do të integrohet kjo në një koncept të përgjithshëm.

"Në këtë drejtim, ka ende shumë, shumë pyetje të hapura, dhe të gjitha janë objekt i diskutimeve që janë duke u zhvilluar aktualisht", tha kancelari gjerman.

"Ne e dimë se pa garanci sigurie, nuk mund ta mbrojmë Ukrainën në planin afatgjatë", theksoi ai.

Merc paradokohe sugjeroi se pas bisedimeve gjatë fundjavës, mund të ketë takim në Berlin në fillim të vitit të ardhshëm, por në Hajdelberg nuk e ka komentuar këtë kur është pyetur.

Zëvendës-zëdhënëse i Qeverisë, Shtefan Majer në Berlin sqaroi se për momentin ka "dinamikë shumë të lartë" në proces. mb/

Foto: DPA