Salepi është pije e nxehtë aromatike dhe e trashë që shijohet veçanërisht në ditët e ftohta. I përgatitur me qumësht ose ujë, me aromë kanelle dhe teksturë delikate kremoze, kjo pije sjell ndjesi ngrohtësie.

Përbërësit:

500 ml qumësht bajamesh ose i zakonshëm

1 lugë pluhur salep

1–2 lugë sheqer ose mjaltë sipas dëshirës

1 lugë e vogel kanellë e bluar

Shënim: Salepi mund të përgatitet edhe me ujë.

Përgatitja:

Në një enë të vogël, vendosni qumështin e ftohtë, sheqerin dhe salepin në formë pluhuri. Ngroheni në zjarr mesatar, duke e përzier vazhdimisht. Kur të fillojë të ziejë ngadalë dhe të ziejë 2-3 herë, përzierja do të fillojë të trashet. Hiqeni nga zjarri dhe derdhni salepin në dy gota. Spërkateni me kanellë të bluar sipër, nëse dëshironi. Shërbejeni menjëherë, derisa është ende i ngrohtë, dhe shijoni këtë pije aromatike.

Foto: Freepik