Tiranë, 11 shkurt 2025 (MIA) - Kryeministri i Shqipërisë dhe lider i Partisë Socialiste, Edi Rama në reagimin e tij të parë pas arrestimit të kryebashkiakut të Tiranës, Erion Veliaj tha se kjo është ngjarje e madhe që nuk mundë të kalohet "pa komentuar". 

"Të merret kryetari i bashkisë së Tiranës nga puna për ta mbyllur pa gjykim në qeli, duke lënë një qytet të tërë pa kokën që e kanë vënë, është një ngjarje e madhe të cilën nuk mundem ta kaloj 'pa e komentuar'. Më shumë nuk do ta ruaj qëndrimin tim për vete. Në të gjitha rastet, drejtësia do ta kryej punën", tha Rama në komunikimin e drejtpërdrejtë me qytetarët në Fejsbuk.

Duke shprehur qëndrimin e tij, ndër të tjera shton se sistemi i ri gjyqësor ka fituar besimin e nevojshëm.

"Mbështetja jonë do të vazhdoj si edhe zakonisht, por nuk ka asnjë arsye për të mos shprehur mendime kritike, të cilat do të ndihmojnë më tej në konsolidimin e tij. Ka 5 vite që të gjithë flasin për këta persona që parakalojnë para kamerave në stacionin e trenit dhe akuzojnë vetëm Partinë Socialiste, forcën që qeveris vendin, se hesht. Heshtja jonë i ka ndihmuar shumë deri tani institucionet e drejtësisë, por ne e kuptojmë se u mungon kritika konstruktive", theksoi Rama.

Duke iu përgjigjur njërit prej qytetarëve që i bëri thirrje të japë dorëheqje, ashtu si edhe opozita, ai ka dhënë vetëm dy arsye që do ta largonin nga politika. "Ka vetëm dy mënyra për të më larguar nga politika, është zemra ime apo populli i Shqipërisë. Më 11 maj fatmirësisht do të votojnë edhe disa nga shqiptarët e shpërngulur dhe më intereson shumë se si do të votojnë kur dikush më akuzon se i kam dëbuar. Nuk jam i etur për pushtet, por për punë”, u përgjigj ai.

Kryetari i Bashkisë së Tiranës, Erion Veliaj u arrestua dje me urdhër të Prokurorisë së posaçme kundër krimit të organizuar dhe korrupsionit, pas së cilës Gjykata Speciale vendosi masën “arrest me burg”. qa/

Foto: EPA