Pishinë të mbyllur me qendër spa do të ketë Kavadari, Mickoski në inspektim të punimeve
Kavadar, 1 janar 2026 (MIA) - Kavadari po bëhet me pishinë moderne të mbyllur me qendër spa, projekt që paraqet një hap të rëndësishëm përpara për zhvillimin sportiv, rekreativ dhe turistik të komunës. Kryeministri Hristijan Mickoski sot qëndroi për vizitë pune në Kavadar, ku së bashku me kryetarin e komunës Mitko Jançev, inspektoi aktivitetet ndërtimore në vazhdim të disa projekteve kapitale.
Ndërtimi i pishinës së mbyllur është financuar nga Ministria e Sportit me fonde në vlerë prej 65 milionë denarë, ndërsa përmes thirrjes së dytë qeveritare janë siguruar edhe 35.5 milionë denarë shtesë për zgjerimin e objektit me qendër spa.
Në kuadër të vizitës së punës, u bë edhe inspektim i ndërtimit të një ure mbi lumin Luda Mara deri në fshatin Marenë, e cila u vu në funksion përmes thirrjes së dytë qeveritare, e financuar nga Ministria e Transportit me 12 milionë denarë.
Zyrtarisht sot u lëshua në përdorim edhe shtrati i rregulluar i lumit i rindërtuar nga ura "Video Smilevski" deri te Bulevardi Verior. Është një projekt i financuar nga Rajoni Planifikues i Vardarit dhe Komuna e Kavadarit, RPV me 9 milionë dhe Komuna e Kavadarit me 43 milionë denarë.
Gjithashtu u krye një inspektim i aktiviteteve aktuale, kolektori i ujërave të zeza në "Opitno Pole", përmes një thirrjeje të dytë nga Qeveria, e financuar nga Ministria e Mjedisit, me 9.3 milionë denarë.
Në një deklaratë për mediat, kryetari i komunës Mitko Jançev tha se Komuna e Kavadarit për momentin së bashku me Qeverinë, dhe me diku mbi 80 për qind të projekteve të mbështetura nga Qeveria, ka projekte të hapura me vlerë mbi pesëmbëdhjetë milionë euro.
Në Kavadar sot ishte edhe ministri i Sportit Borko Ristovski, i cili kujtoi se pishina kishte filluar para shumë viteve, por se tani po merr një pamje tjetër.
Kryeministri Mickoski tha se gjithçka fillon këtë vit 2026 këtu në Kavadar
Në këtë rast uroi që të gjitha këto projekte që ata inspektuan të përfundojnë dhe të vihen solemnisht në përdorim sa më shpejt të jetë e mundur.
Video: Qeveria
Foto: MIA, Qeveria
