Shkup, 11 dhjetor 2025 (MIA) - Opinioni publik mund të jetë i qetë, tema e migrantëve dhe azilkërkuesve është një temë manipuluese politike, tha nënkryetari i Kuvendit, Antonio Milloshoski.

"Në Maqedoni nuk ka mbërritur asnjë kërkesë ose çfarëdo teme nuk është imponuar nga Britania mbi temën e migrantëve dhe edhe nëse do të kishte mbërritur, do të ishte refuzuar kategorikisht. Opinioni publik mund të jetë i qetë, tema e migrantëve është një temë manipuluese politike", theksoi Milloshoski.

Në një paraqitje në televizionin Kanal 5, ai theksoi se Maqedonia dhe Britania e Madhe kanë nënshkruar një marrëveshje për investime, bashkëpunim dhe projekte, pa asnjë detyrim që lidhet me migrantët.

"Maqedonia dhe Britania kanë nënshkruar një marrëveshje për investime, bashkëpunim, projekte, dhe asnjë temë që përfshin migrantët nuk është imponuar nga asnjëra palë. Është një temë që mund të manipulohet më lehtë dhe mendoj se në LSDM, veçanërisht te kryetari i LSDM-së, Venko Filipçe, tema e migrantëve ka një rol të dyfishtë. Si kryetar i LSDM-së, ai përballet me migrantët e partisë së tij që po ikin drejt opsioneve të tjera politike, sepse shohin se LSDM po humbet ndikimin që kishte 5 ose 10 vjet më parë dhe tani po e këshillojnë që kjo temë mund të përdoret për mbulim", tha Milloshoski.

Ai informoi se numri i azilkërkuesve që kanë marrë statusin e refugjatit në Maqedoni është 14 persona, nëntë prej të cilëve janë shtetas të Kosovës, tre të Kongos dhe dy të Sirisë.

I pyetur pse Qeveria nuk i mohoi raportimet në mediat britanike, Milloshoski theksoi se deklarata e vetë kryeministrit, në të cilën ai pohon se një gjë e tillë nuk ekziston ka peshë të mjaftueshme dhe është një mohim i mjaftueshëm. mb/

Foto: VMRO-DPMNE