Shkup, 12 dhjetor 2025 (MIA) - Tek 14 institucione shëndetësore nga të cilat dy në Shkup janë konfirmuar parregullsi në punë, ka treguar kontrolli i jashtëzakonshëm në punën dhe menaxhimin financiar të shërbimeve për Ndihmë të shpejtë dhe vizitave në të gjithë territorin e vendit, që e realizoi Fondi për Sigurim Shëndetësor.

"Nga 37 institucione shëndetësore publike, 29 prej të cilave janë jashtë Shkupit dhe tetë në zonën e Shkupit, tek 23 ISHP nuk kanë gjetur asnjë mangësi në funksionimin e tyre. Në disa nga institucionet kanë gjetur mangësi. Natyrisht, 14 institucione, dy prej të cilave janë në Shkup dhe 12 janë jashtë Shkupit, kanë probleme. Shtatë institucione nuk kishin miratime, domethënë nuk ka marrëveshje për listat e çmimeve që u ngarkojnë pacientëve. Pra, të gjitha ISHP-të kanë lista çmimesh, por ato janë të miratuara nga FSSH dhe Ministria e Shëndetësisë. Ato institucione vepronin me listat e tyre të çmimeve të brendshme. Nuk po them se janë ose nuk janë në dëm të pacientëve, thjesht po them se nuk janë të miratuara. Është zbuluar se dy ISHP na kanë faturuar gabimisht për shërbime, dhe dy ISHP të tjera u kanë faturuar pacientëve për shërbime që nuk u lejohej t'i paguanin", tha sot drejtori i përgjithshëm i FSSH-së, Sasho Klekovski.

Tek një ISHP jashtë Shkupit, theksoi ai, është konstatuar se mungojnë ampula për dhimbje, se barnat të cilat i mbajnë në Ndihmën e Shpejtë Mjekësore janë nën minimumin e domosdoshëm të funksionojnë.

"Tek një është konstatuar se nuk kanë ekipe për atë që duhet të dorëzojnë. Në të gjitha ISHP-të është dhënë afat prej dy muajsh t'i korrigjojnë mangësitë pastaj sërish do të kryejmë edhe një kontroll. Fatkeqësisht, kemi konstatuar se është mbyllur vizita në shtëpi në Shuto Orizare për shkak të mungesës së personelit, për të cilën nuk jemi informuar siç duhet nga Shtëpia e Shëndetit", tha Klekovski.

Ai thekson se njëkohësisht kanë kryer kontrolle që kanë të bëjnë me pagesën e pagave në 26 institucione tjera dhe prej tyre fatkeqësisht vetëm tetë ishin pa parregullsi, ndërsa tek 18 institucione tjera janë konstatuar parregullsi.

"Kjo më së shpeshti i referohet ndryshimeve në metodën e llogaritjes së kujdestarive, pra sa orë të kohës së kujdestarisë llogariten. Kemi katër raste ku janë paguar si shtesat e ndërrimit ashtu edhe shtesat e kujdestarisë. Kemi dy raste ku janë raportuar më shumë se 32 orë orë jashtë orarit në muaj, që është përtej asaj që lejohet me ligj. Kemi dy raste ku pagat e drejtorëve janë rritur jashtë ligjit dhe marrëveshjet kolektive dhe deri në tetë raste ku ata nuk na kanë dhënë dokumentet e kërkuara, të cilat përfshijnë edhe librat e orarit të kujdestarive për aktivitete shtesë. Ne kërkojmë që të gjithë të kthejnë mjetet e paguara në mënyrë të paligjshme. Një pjesë e kontrollit të ardhshëm do të jetë për të parë nëse kanë vepruar. Po flasim për një rritje të pagave prej 10 përqind", shpjegoi Klekovski.

Ai theksoi se në këtë grup të ISHP-ve të kontrolluara, ka edhe shumë të vogla, ka edhe shtëpi shëndetësore, ka edhe shumë klinika të mëdha spitalore. Theksoi se kontrolli ka të bëjë me kohën aktuale, ndërsa jo me kohët e kaluara, të gjithëve u është dhënë kohë t'i mënjanojnë mangësitë dhe kjo do t'i nënshtrohet kontrolleve të përsëritura.

"Duhet të vendosim një rend dhe disiplinë të caktuar në këto punë, veçanërisht kur potencialisht përballemi me padi nga ana tjetër për mosplotësimin e të drejtave të marrëveshjes kolektive. Veprimtaria plotësuese dhe kujdestaritë bëhen problem kyç edhe për shkak të faktit se nuk janë dorëzuar dokumente nga tetë institucione tregon se atje janë problemet me kujdestari të paarsyeshme dhe kujdestari të papunuara. Duhet të japim një sinjal të qartë se do të ndryshohen këto punë. 

Kemi marrëveshje korrekte edhe me mjekët amë edhe me shëndetin publik. Kapacitetet janë rritur 33 për qind, ndërsa pagat në tërësi në kujdesin shëndetësor u rritën për 17 përqind, vuri në dukje Klekovski.

Kontrata jonë shoqërore, shpjegoi ai, është se ne do t'i zgjidhim problemet duke rritur pagat, dhe nga ana tjetër, duhet të vendosim ligj dhe rend në mënyrën e pagesës së tyre, sepse jemi dëshmitarë se paligjshmëria është toleruar për shkak të dështimit për të zgjidhur problemet strukturore.

"Këto janë dy kontrollet e para të mëdha që po publikojmë, po finalizojmë raportet për ato të ardhshme dhe në javët në vijim do të kemi publikime të tilla në grup. Ashtu siç Enti Shtetëror i Revizionit publikon raportet e tij të kontrollit, ne publikojmë raportet tona të kontrollit. Ne ia dorëzojmë këto të dhëna ministrive të shëndetësisë dhe financave, si dhe Entit Shtetëror të Revizionit. Ka elementë të veprave penale dhe është e nevojshme që ne t'i ndjekim ato. Nga raportet tona të vitit të kaluar, janë ngritur disa kallëzime penale nga policia, por nuk kemi reagime nëse Prokuroria po vepron mbi to", tha Klekovski.

Duke u përgjigjur në pyetjen e gazetarëve nëse klinikat të cilat punojnë me borxhe janë të njejtat që i kanë rritur pagat, tha se ka edhe të tilla. sa/

Foto: MIA