Шумски пожар под Пелистер, битолските пожарникари го контролираат
- Екипи на Територијалната противпожарна единица - Битола и на НУ Национален парк Пелистер ставија под контрола шумски пожар кој попладнево избувна во атарот меѓу потпелистерските села Ротино и Цапари.
Битола, 1 април 2024 (МИА) - Екипи на Територијалната противпожарна единица - Битола и на НУ Национален парк Пелистер ставија под контрола шумски пожар кој попладнево избувна во атарот меѓу потпелистерските села Ротино и Цапари.
Во изјава за МИА, командирот на ТППЕ-Битола Горан Димковски истакна дека пожарот е се уште активен, но е под контрола.
-За жал неодговорни граѓани се причинители на пожарот кој е на 300 метри од површините на националниот парк Пелистер. На терен сме 18 пожарникари со 5 вискоопремени возила, а заедно со нас е и екипа пожарникари на НУ Национален парк Пелистер. Пожарот е локализиран за да не се придвижи кон боровата шума на Пелистер, но е блиску до регионалниот пат Битола-Ресен, рече Димковски.
Од ТППЕ-Битола потврдија дека остануваат на терен до целосно гаснење на шумскиот пожар во потпелистерието. мт/мч/
Фото: МИА