Штип, 23 јануари 2023 (МИА) - Штипјани од 1 јануари 2023 година ќе плаќаат повисока цена на водата за пиење, додека за фирмите цената се намалува минимално. Согласно одлуката на Управниот одбор на ЈП „Исар“ цената на водата за пиење за домаќинствата, јавни институции, спортско рекреативни центри и одржување на зелени површини во споредба со 2022 година е повисока за 1,15 денари за метар кубен.

Во соопштението од ЈП „Исар“ се наведува дека цената на водата за пиење за правните лица се намалува за 0,04 денари за метар кубен.

Штипјани со новата одлука на Управниот одбор на ЈП „Исар“, ќе плаќаат по 36,25 денари за метар кубен, додека правниците лица 54,37 денари за метар кубен.

Управниот одбор при донесувањето на одлуката го следел и Планот на Регулаторната комисија за енергетика, а во кој се наведени максималниот и минималниот износ на цената на водата за три годишен период.  вдј/цр