Четири лица загинаа во несреќа на рели трка во Унгарија
- Четири лица загинаа, а неколку се повредени денеска кога возило кое учествувало на рели трка во Унгарија излетало од патот и налетало на гледачите, соопштија унгарските власти.
Будимпешта, 24 март 2024 (МИА) - Четири лица загинаа, а неколку се повредени денеска кога возило кое учествувало на рели трка во Унгарија излетало од патот и налетало на гледачите, соопштија унгарските власти.
Полицијата соопшти дека загинале четири лица, а најмалку седум лица се повредени. Несреќата се случила меѓу градовите Лабатлан и Бајот на северот на Унгарија.
Засега не е познато зошто возилото излетало од патот и налетало на гледачите.
На местото на несреќата се испратени амбулантни возила и неколку спасувачки хеликоптери.
Релито беше прекинато по несреќата. паг/
Фото: МИА архива