Вашингтон, 11 јули 2025 (МИА) - Американските власти наредија евакуација на туристите од популарниот дел на Големиот Кањон, во сојузната држава Аризона, на југозападот од земјата, поради брзото ширење на шумски пожар.

„Сите посетители на северниот дел од Националниот парк Големиот Кањон (Северен раб) мора веднаш да се евакуираат“, објави Националната служба за паркови на својата веб-страница.

⚠️ PARK ALERT ⚠️

Due to the advancing White Sage Fire, located approximately 15 miles southeast of Fredonia, all visitors on the North Rim of Grand Canyon National Park are required to evacuate immediately. The fire is moving toward Jacob Lake, AZ, which is currently under… pic.twitter.com/NXruchFAFm

— Grand Canyon NPS (@GrandCanyonNPS) July 11, 2025

Евакуацијата е наредена поради брзото ширење на шумскиот пожар, што  малку подалеку на север веќе проголта повеќе од 400 хектари. Јужниот дел од паркот, што е претежно посетен од туристи, сè уште е достапен.

Големиот Кањон е една од најпопуларните туристички дестинации во САД и го посетуваат речиси пет милиони луѓе секоја година. Друг национален парк на југозападот од земјата, Црниот Кањон Ганисон, во Колорадо, вчера беше целосно евакуиран поради друг пожар.

Пожарот е предизвикан од удар на гром и веќе проголта повеќе од 600 хектари. Пожарот се шири поради силните ветрови, многу сувата вегетација и многу високите температури.

За Големиот Кањон неделава беше издаден метеоаларм поради екстремно високи температури кои би можеле да надминат 46 степени Целзиусови во сенка.сд/

фото:ЕПА