Кавадарци, 8 јуни 2023 (МИА) - Романот ,,Ако се родат некакви чувства" од  Блаже Миневски беше промовиран денеска во Домот на културата „Иван Мазов - Климе" во Кавадарци. 

Директорката на културниот дом, Јулијана Туриманџова, зборуваше за Миневски како македонски раскажувач, романсиер, драматург. Таа се осврна на неговиот живот и напишаните дела.  

Дипломирал на Интердисциплинарните студии по новинарство на Правниот факултет во Скопје. Како новинар работел во повеќе медиуми и списанија, а член е на Друштвото на писатели на Македонија, добитник е на  повеќе награди. 

- Овој роман е чудесна и комплексна историографска метафикција, за тоа што е љубовта и кои се најприсутните чувства кај човекот, рече меѓу другото Туриманџова. свд/хс/

Фото: Дом на култура Кавадарци