Охрид, 21 јануари 2025 (МИА) – Здружението за поттикнување на развојот на книжевноста и други уметности, „Креативна верига“ од Охрид го распиша конкурсот за наградата „Тоде“ за најдобра песна за деца.

Право на учество на конкурсот имаат сите домашни автори кои заклучно со 20 февруари ќе испратат своја необјавена песна на електронската пошта nagradatode@gmail.com .

Стручното жири чии членови ќе останат анонимни до истекување на конкурсот ќе исбере три најдобри творби, за кои се предвидени награди од девет, шест и три илјади денари, за прво, второ и трето место. 

Минатата година наградите ги добија Сузана Ѓорѓиевска за прво место со песната „Песна за една врана ненаспана“, второто место и припадна на Јана Сиљаноска за песната „Оглас на инстаграм“ и Слаѓана Ставрева како третопласирана со песната „Сватови зеленчуковци“.

Наградата „Тоде“ се доделува со финансиска поддршка на Општина Охрид. аб/са/

Фото: плакат