Пропалестинските демонстранти ги зазедоа зградите на универзитетите во Амстердам, Гронинген и Ајндховен
- Пропалестинските демонстранти денеска ги окупираа универзитетските згради во холандските градови Амстердам, Гронинген и Ајндховен, осудувајќи ја израелската војна на Појасот Газа, соопшти холандската група која стои зад протестите.
![Пропалестинските демонстранти ги зазедоа зградите на универзитетите во Амстердам, Гронинген и Ајндховен](https://mia.mk/images/20240513162026_big_730x400_36.webp )
Амстердам, 13 мај 2024 (МИА) - Пропалестинските демонстранти денеска ги окупираа универзитетските згради во холандските градови Амстердам, Гронинген и Ајндховен, осудувајќи ја израелската војна на Појасот Газа, соопшти холандската група која стои зад протестите.
Портпаролот на Универзитетот во Амстердам (УвА) потврди дека зградата на универзитетот е окупирана и ги повика оние што не се поврзани со протестот да ја напуштат. Технолошкиот универзитет во Ајндховен соопшти дека десетици студенти мирно протестирале пред институцијата и биле поставени 10 до 15 шатори.
Студентите во Холандија протестираат против израелската војна во Газа од минатиот понеделник, а имаше и судири со полицијата на Универзитетот во Амстердам. На универзитетите во САД и Европа се одржуваат главно мирни демонстрации со барање за итен и траен прекин на огнот. Демонстрантите, исто така, бараат образовните институции да ги прекинат финансиските врски со компаниите за кои тврдат дека профитираат од угнетувањето на Палестинците. рп/
Фото: МИА архива