Скопје, 28 ноември 2023 (МИА) - Отворање на изложба „Таен премин кон Месечината“ на Ване Костуранов денеска во галеријата „Метаноја“, со почеток во 18:00 часот. 

- Конечното уметничко дело е комплетирано преку „техне“ и „логос“ не во смисла на современиот композит „технологија“, туку во смисла на егзистенцијалната феноменологија. Овие два концепта се неизбежно поврзани на нивото на соодносот меѓу уметничкото (τέχνη) и словесното (λόγος ). Процесот на креативната концептуализација со бои и четка и  мисловната концептуализација со зборови и перо овозможуваат артикулација на она што генерички се именува како духовно. Притоа „техне“ ја претставува  естетската рефлексивност, а „логос“ ја изразува контемплативната поетичност. Куќичките, дрвјата, патеките, Сонцето и Месечината на Костуранов се уметничка поезија, вели рецензентот на изложбата, д-р Коста Милков.

Изложбата ќе трае и во текот на јануари 2024 година. ир/вг/

Фото: Галерија „Метаноја“