Osmani në takim të Ministrave të Punëve të Jashtme të Ballkanit Perëndimor dhe "Miqve të Ballkanit Perëndimor"
- Ministri i Punëve të Jashtme, Bujar Osmani, sot dhe nesër do të qëndrojë për vizitë pune në Austri, ku do të marrë pjesë në Takimin e Ministrave të Punëve të Jashtme të Ballkanit Perëndimor dhe "Miqve të Ballkanit Perëndimor", që po mbahet në Vjenë dhe Vahau, me iniciativën e Ministrit të Punëve të Jashtme të Austrisë, Aleksander Schallenberg.
![Osmani në takim të Ministrave të Punëve të Jashtme të Ballkanit Perëndimor dhe](https://mia.mk/images/20240620095627_big_730x400_83.webp )
Shkup, 20 qershor 2024 (MIA) - Ministri i Punëve të Jashtme, Bujar Osmani, sot dhe nesër do të qëndrojë për vizitë pune në Austri, ku do të marrë pjesë në Takimin e Ministrave të Punëve të Jashtme të Ballkanit Perëndimor dhe "Miqve të Ballkanit Perëndimor", që po mbahet në Vjenë dhe Vahau, me iniciativën e Ministrit të Punëve të Jashtme të Austrisë, Aleksander Schallenberg.
Siç informojnë nga MPJ-ja, Osmani do të mbajë fjalim në dy sesionet e punës, me temat "Shtrimi i rrugës për anëtarësimin e Ballkanit Perëndimor në BE përmes integrimit gradual" dhe "Zgjerimi i BE-së me Ballkanin Perëndimor: Është koha që të realizohet!".
Foto: Arkivi i MIA-s