Рим, 6 февруари 2024 (МИА) – Возачот на Ферари, Шарл Леклер, кога го продолжил договорот со тимот од Маранело, не ни помислувал дека Луис Хамилтон ќе договори трансфер.

Тој бил шокиран и разочаран од веста за доаѓањето на Хамилтон во Ферари, пишуваат медиумите во Италија.

Возачот на Мерцедес ќе го замени Карлос Сајнц во 2025 година и ќе стане тимски колега на Леклер.

Според Corriere dello Sport, Моначанецот не е пријателски настроен кон Хамилтон. Весникот забележува дека подобар пласман од Хамилтон ќе го претвори Леклер во „херој“, а поразот ќе ја наруши репутацијата на Шарл кој неодамна го продолжи договорот со Ферари до 2029 година. зс/

Фото: ЕПА