Куманово, 14 август 2023 (МИА) - Изгаснат е пожарот помеѓу селата Брзак и Умин дол, кумановско, информираа денеска од Територијалната противпожарна единица. Горела сува трева и стрниште на поголема површина.

- Екипа го гасеше пожарот цела ноќ и се вратија утрово, пожарот е изгаснат, изјави командирот на ТППЕ Куманово, Дејан Илиевски.

Вчера, кумановските пожарникари имале пет интервенции. Сува трева и стрниште гореле во атар на село Табановце како и во Љубодраг. Пожарите се локализирани, на терен биле по една противпожарна екипа.

Пожарникарите имале и две поситни интервенции, запалено старо дрво во градскиот парк и запален контејнер. ам/дма/

Фото: МИА архива