Лондон, 25 октомври 2023 (МИА) – Возачот на Ред Бул и трократен светски шампион Макс Верстапен ги процени изгледите на конкурентите да стигнат до перформансите на неговиот болид.

Лидерот во шампионатот истакна дека во последните трки ривалите се приближиле до Ред Бул во однос на брзината и дека следната сезона разликата може уште повеќе да се намали.

- Во моментов нашите конкуренти не стигнуваат. Ќе биде интересно да се види како тие можат да работат на развивање на нивните болиди за првата трка од следната сезона. Да, помина доста време од последното ажурирање на нашиот автомобил, но не треба да заборавиме на правилото за ограничување на времето поминато на работа во аеро-тунелот за најбрзите тимови. 
Колку можеме да бидеме добри следната сезона? Времето ќе покаже. Ми се чини дека доброто е што техничките прописи нема да се променат. И она што ќе го научите сега за тоа како работи вашиот болид, тоа ќе ви биде корисно следната година. И не постои ситуација во која би биле целосно фокусирани на перформансите до самиот крај на сезоната, изјави Верстапен.

Во тековната сезона Холанѓанецот доминира во однос на конкурентите за највисок пласман. зс/

Фото: ЕПА