Вашингтон, 20 март 2024 (МИА) - Американскиот државен секретар Ентони Блинкен в петок ќе го посети Израел, како дел од неговата шеста мисија на Блискиот Исток по нападот на Хамас врз Израел на 7 октомври минатата година.

Во разговорите во Саудиска Арабија, Египет и Тел Авив, Блинкен ќе се обиде да преговара за прекин на огнот, ослободување на заложниците, зголемување на хуманитарната помош и план за иднината по конфликтот, објави Стејт департментот.

Блинкен во вторникот рече дека „се соочуваме со ужасна хуманитарна ситуација за децата, жените и мажите во Газа“ и дека Израел има апсолутна должност да ги заштити цивилите додека се брани и спречува повторување на 7 октомври.

Лошите односи меѓу Израел и САД ескалираа кога лидерот на демократското мнозинство во Сенатот Чак Шумер, највисоко рангираниот Евреин меѓу избраните функционери во САД, рече дека владата на Нетанјаху „повеќе не им одговара на потребите на Израел“ и повика да се одржат нови избори во Израел.

Фото: МИА архива